Lautaro në Barcelonë, arrihet marrëveshja?

Shpërndaje

Arrihet marrëveshja, Lautaro në Barcelonë?

Muajt e fundit është folur shumë për një transferim të sulmuesit argjentinas Lautaro Martinez te Barcelona, por klubi katalan nuk ia doli të paguajë klauzolën prej 111 milionë eurosh për prishjen e kontratës së tij me Interin, e vlefshme deri më 7 korrik.

Megjithatë rrjeti televiziv ESPN ka raportuar mbrëmjen e sotme se Interi dhe Barcelona kanë arritur tashmë marrëveshjen për transferimin e sulmuesit argjentinas në Katalunjë, ndërsa zyrtarizimi mbahet pezull nga Philippe Coutinho.

Kujtojmë që braziliani Philippe Coutinho është i huazuar te Bayerni i Mynihut, por bavarezët kanë hequr dorë nga blerja e tij, megjithatë te Barcelona janë optimistë për shitjen e tij, pasi nuk mungojnë ofertat nga kampionati anglez.

Te Barcelona synojnë të arkëtojnë të paktën 80 milionë euro për kartonin e Coutinhos, para të cilat më pas do të transferohen menjëherë në arkat e Interit, bashkë me ndonjë lojtar, për të marrë në “Camp Nou” sulmuesin Lautaro Martinez.


Shpërndaje

Leave a Reply

Your email address will not be published. Required fields are marked *