Inter mund të ëndërrojë, Messi ndjek shembullin e babait

Shpërndaje

Pas lajmit se babai i Messi-t ka blerë një shtëpi në Milano, ka ardhur një tjetër që ka ndezur ëndrrat e tifozëve të Inter-it.

Sipas SportMediaste, Leo Messi duket se do të ndjekë gjurmët e babait dhe do të bëjë një investim në një nga zona më prestigjioze të kryeqendrës lombarde.

Siç është thënë më parë, gjithçka do të varet nga dëshira e Leos: kontrata me Barcelona-n skadon në vitin 2021, por nëse argjentinasi do të vendosë të mos e rinovojë, Suning dhe Inter janë gati të vihen në lëvizje.

Kolosi kinez ka mbështetjen e disa sponsorëve të rëndësishëm që do të ishin të gatshëm të jepnin kontributin e tyre për të realizimin e operacionit të bujshëm.

Deri tani, Leo nuk ka folur në lidhje me të ardhmen e tij, sepse ka qenë i përqendruar te lufta për La Liga-n kundër Real-it dhe tani te Champions League.

Pas humbjes së kampionatit, mbetet Europa dhe shumë mund të varet nga ecuria e katalanasve në kompeticionin më të rëndësishëm europian.


Shpërndaje

Leave a Reply

Your email address will not be published. Required fields are marked *